Við leitum að liðsauka í teymið okkar sem býr yfir góðri tölvufærni, öryggisvitund og lausnamiðaðri hugsun.

Sem vélfræðingur hjá hitaveitu á höfuðborgarsvæðinu ert þú hluti af teymi sem sinnir daglegum rekstri búnaðar í hitaveitu, sérð um rekstur og viðhald dælu- og lokastöðva, sinnir vatnsöflun og gengur bakvaktir 6. hverja viku.

Þú tekur þátt í fjölbreyttum verkefnum, fylgist með helstu nýjungum í tækni og tekur þátt í mótun og þróun kerfanna í samvinnu við hóp fagfólks sem sinnir daglegum rekstri. Öryggi er okkar hjartans mál og því er öryggisvitund mikilvæg meðal starfsfólks okkar.

Menntunar og hæfnikröfur

• Vélstjórnarmenntun – 4. stig, rafvirkjanám er kostur.
• Sveinspróf í viðurkenndri málmiðnaðargrein.
• 3-5 ára starfsreynsla tengd faginu.
• Rík öryggisvitund.
• Reynsla af teymisvinnu.
• Góð tölvufærni.
• Góð samskiptahæfni og jákvæðni.
• Frumkvæði og umbótahugsun.

Öruggt starfsumhverfi, rekstraröryggi, hagkvæmni í rekstri og þarfir viðskiptavinarins er leiðarljós í öllum okkar störfum. Við leggjum áherslu á að byggja upp góðan hóp fagfólks sem annast rekstur og viðhald í öllum kerfum Veitna.

Í boði eru fjölbreytt verkefni í fjölskylduvænu starfsumhverfi. Vinnutíminn er frá klukkan 08:20-16:15. Við hvetjum öll kyn til að sækja um starfið.

Umsóknarfrestur er til 5.desember 2021. Nánari upplýsingar veitir Indriði Hauksson í netfanginu indridih@veitur.is.

Hvers vegna Veitur

Það er líf og fjör í vinnunni, starfsemi okkar er fjölbreytt og samfélagslega mikilvæg. Starfsfólk okkar hefur frumkvæði og fær tækifæri til að hrinda hugmyndum sínum í framkvæmd og við leggjum áherslu á jafnvægi vinnu og einkalífs, sí- og endurmenntun og möguleika til að vaxa í starfi. Okkur er annt um umhverfið, jafnrétti og að koma fram við hvert annað og viðskiptavini af virðingu.

VILTU HJÁLPA OKKUR AÐ HALDA VIÐSKIPTAVINUM Í SAMBANDI – ALLA DAGA?

Veitur eru stærsta veitufyrirtæki landsins sem rekur vatnsveitu, hitaveitur, rafveitu og fráveitu þar sem hver einasti starfsmaður er mikilvægur hlekkur í að veita viðskiptavinum okkar áreiðanlega þjónustu.

Öryggi og fagmennska

Við erum fagfólk á líflegum vinnustað sem leitast við að vera í fremstu röð hvað varðar öryggi og vinnuumhverfi. Við leggjum áherslu á að stjórnendur okkar gegni forystuhlutverki í öryggismálum, efli og styðji starfsfólk til góðra verka, sýni virðingu og ábyrgð í samskiptum og heiðarleika í upplýsingagjöf. Við tökum jafnréttið alvarlega og viljum hafa fjölbreyttastan hóp starfsfólks enda erum við með jafnlaunavottun.

Góð starfskjör og aðbúnaður

Í starfsstöð okkar að Bæjarhálsi hefur starfsfólk aðgang að vel útbúinni líkamsrækt, frábæru mötuneyti er mannað af fagfólki, rafmagnshleðslustæði fyrir rafbíla og margt fleira til að auðvelda þér lífið og vinnuna.

Öflugt starfsmannafélag og þéttur hópur

Félagslífið er öflugt og erum við með ýmsa klúbba og aðgang að orlofshúsum. Hjá okkur starfa um 200 manns sem vinna þétt saman og taka vel á móti nýju fólki.